Statuto precedente | successivo
|
Statuto:
[Art. I] [Art. II] [Art. III]
[Art. IV] [Art. V] [Art. VI]
[Art. VII] [Art. VIII] [Art. IX]
[Art. X] [Art. XI] [Art. XII]
[Dispozision tranxitoria]
INNO DA «COMPAGNA»
Versci da «Compagna» - Mûxica de Natale Carosio
I regna a viaxa fratellanza II |
III Nobiltae, plebe, borghéixi (segue ritornello) |
Quaexi dëxe secoli fa - mentre tûtte e ätre gente pregando tremmavan pe-o terrô che o mõndo o finisse - in ta nostra Zena, ch'a l'ammiava lontan e a preparava l'avvegnî, nascéiva a «COMPAGNA»: ûniõn, morale e materiale, commerciale e civile, pe-a paxe e pe-a guaera, de tûtti i çittadin de maexime localitae, lighae e stréiti, in abbraçço fraterno, da ûn solenne zûamento. E «COMPAGNE», ch'ëan êutto, se elezéivan, cõmme cappi, di « Cõnsoli», i quae avéivan l'autoritae - in to stesso tempo - de governanti e de giûdiçi, de generali e de ammiragli; e a sto moddo i Zenéixi - indipendenti ormai, politicamente, da-i Feûdatäi e da-i Vescovi - davan origine, cö libero Comûn, ä gloriõsa Repûbblica de San Zorzo. Sta nostra Societae, doppo all'incirca mill'anni - con propoxiti e fin che,
paegi insemme e diversci da quelli d'allõa: o primmo e o segõndo articolo do
Statûto ï elencan e ï indican - a s'é vosciûa reciammâ ä ciû nobile vëgia
tradiziõn, e a s’é battezzä con l'antigo splendido nõmme, fando bombaea da
lûmminõsa parolla |
|
 |
A l’à e a doviä sempre avéi a sò sede a Zena; a sò lingua ûffìziale a l'é quella zeneise.
Scopo de
A tessera de
Pêuan fâ parte de
I soci pêuan ese: Effettivi e Onorari.
I SOCI EFFETTIVI pêuan ese:
I nêuvi soci paghiàn ûnna quota d'accettaziõn de 200 lïe all'atto da consegna do statûto sociale e da tessera, dä quaae risâltiä a categoria ä quae appartegnan.
O Consolato o porriä stabilî ûnna «quota familiare» pe-i membri da famiggia di soci.
I SOCI ONORARI saiàn proposti da-o Consolato in consciderasiõn de meriti particolari: a nomina a saiä ratificä dä Consûlta.
I soci sostegnitoî, benemeriti e onorari riçeviàn ascì gratuitamente eventuali
pubblicazioìn periodiche de
Unna quota-parte di proventi de quote di soci de
No gh'è limite a-o nûmero di soci. Comme tali, a-i effetti de votazioìn, saiàn consciderae solo quelli in regola de pagamento armeno dell'anno precedente.
O versamento da quota o se doviä fâ, de regola, drento o primmo trimestre d'ogni anno, o presso a sede sociale, ò a mëzo postagiro con versamento in sciö conto corrente intestòu all'Associaziõn.
Passòu questo termine, e riçevûe relative saiàn consegnae all’esattõ incaregòu a schêuve a domicilio, aumentae de speise pe l'esaziõn.
I nêuvi soci pagan a quota annuale all'atto dell’ammisciõn.
Insegne de
Organi direttìvì de
O PARLAMENTO o l'é l'assemblëa generale di soci, e sõlo lë o l’à facoltae de modificâ o Statûto sociale.
O se riûnisce in sessiõn ordinäia, convocä da-o Consolato, ûnna volta all'anno, doppo a festa de San Zorzo, con preavviso ai soci armeno êutto giorni primma, a mëzo circolare, ò manifesto, e pûbblicaziõn in scï giornali.
Ogni duî anni o Parlamento o l'elëze 40 di 50 membri da Consûlta, e in ciû sei scindacatoî effettivi e quattro sûpplenti: tréi e doî in funziõn de probiviri, e ätrettanti in funziõn de revisoî di cõnti.
O Parlamento o l'apprêuva e relazioìn e i rendicõnti annuali do Consolato, o fissa e direttive generali, o delibera in sce l'eventuale costitûzion de nêuve sezioìn speciali e in scë partecipazioìn a sensi dell'art. 2.
Ogni votaziõn a saiä faeta con scheda segretta; quande l'assemblea a-o delibere, a saiä faeta pe acclamaziõn.
O Parlamento o porriä ëse radûnòu in sessiõn straordinäia dietro domanda da maggioranza di Cõnsoli ò di Consûltoî, oppûre de armeno çento soci. A domanda a doviä ëse presentä pe scrïto e motivä a-o Consolato.
L'eleziõn da Consûlta e ogni proposta de variaziõn a-e quote sociali, ò de particolare importanza ò impegno pe l'Associaziõn, a porriä ëse faeta a mëzo de «referendum» tra i soci con votaziõn pe scrito a domicilio e scrûtinio in seduta pubblica.
A CONSULTA, costituïa de 50 Consúltoi - di quae: 40 eletti da-o Parlamento,
e dëxe nominae a maggioransa assolûta dä Consûlta stessa pe crovî eventuali vacanze
e a rappresentâ de nêuve sezioìn stacchae ò associazioìn colleghae - a delibera in
scë direttive particolari, piggiando in esamme ogni proposta relativa a-e varie
attivitae de
A l'elëze tra i sò membri o Consolato; a ratifica a sò opera insemme a quella de varie commiscioìn; a delibera in scï cõnti de gestiõn, in scë relazioìn e rendicõnti annuali da sottopõnn-e all'approvaziõn do Parlamento.
In sce proposta do Consolato, a decidde ascì in merito a eventuali contribûti cõmme l'é previsto dall'art. 2.
Tõcca ä Consûlta a nomina do Portabandëa.
A Consûlta a se riûnisce in sede deliberativa armeno ûnna votta a-o meise: e sò riûnioìn saiàn sempre presciedûe da ûn Cõnsole nominòu votta pe votta.
Fa parte da Consûlta ûn rappresentante pe ogni seziõn esterna de
O CONSOLATO o l'é l'organo rappresentativo e esecûtivo de
O Consolato o propõnn-e e direttive da seguî ä Consûlta e, quande queste son staete approvae, o ne cûra a missa in atto; o l’à in cûstodia o patrimonio sociale e o relativo inventäio; o controlla l'attivitae de Commiscioìn e o ne presenta e relazioìn annuali ä Consûlta pe-a ratifica, o prepara e relazioìn annuali morali e finanziarie da presentâ a-o Parlamento.
O nomina tra i soci i membri de commiscioìn e di ûffizii, con facoltae de ciammâ a fâne parte anche di non soci che aggian, però, ûnna particolare competenza.
Ghe spetta o giûdizio in sce l'ammisciõn ò no d'ûn nêuvo socio: o porriä accettâlo o respìnzilo sensa dovéi specificâne i motivi.
Quelli soci che pe sei votte de seguito son staeti eletti Cõnsoli, piggiàn o titolo de «Cõnsole Anziàn» e faiàn, de diritto, parte do Consolato.
E decisioìn do Consolato - ch'o se raduniä, de norma, tûtte e settiman-e - saiàn valide se ottegniàn a maggioransa assolûta di võti di componenti.
Tútte e càreghe sociali son gratuite, e no porriàn ëse conferîe a soci che pe eventuali prestazioìn percepiscian indennitae a carattere permanente.
I componenti do Consolato che sensa motivo giûstificòu non intervegnissan pe ciû de trei meixi a-e assemblee, scazziàn da-e rispettive càreghe e doviàn ëse sostituïi: a sostitûzion eventuale di Consûltoî a saiä faeta a mente dell'art. 8.
O Consolato o porriä procede a mezûe disciplinari a càrego de soci: queste van da-o semplice reciamnio verbale scinn-a a l'espûlsciõn. 0 Socio colpïo o l'à diritto de ricorrî a-o collegio di Scindacatoî Probiviri.
O patrimonio o doviä, in tale caxo, ëse destinòu a ûnn'Opera Pia de fondaziõn zeneise.
APPROVÔU DA-O PARLAMENTO
IN DAETA 19 DEXEMBRE 1954
Se tratta de taere de ûsanze e de dialetto zeneixi, comûni che se ciamman sempre in gran parte «ligûre», comme: Nêuve, Rocchetta, Cabella, Albera, ecc., e che in gran parte, specialmente a valle do Lëme, parlan zeneise sc-cetto: tûtta gente che ogni votta ch'a l'à posciûo a n'à mancòu de manifestâ a sò voentae de riûnise finalmente ä Famiggia Ligûre e a Zena Moae.
